У БДУ распрацавалі новую тэхналогію ачысткі вады, якой няма аналагаў у свеце

У Мінску распрацаваная новая тэхналогія атрымання пітной вады з практычна любых забруджаных крыніцаў. Яе распрацавалі ў Беларускім дзяржаўным універсітэце.  Загадчык лабараторыі раствораў цэлюлозы і прадуктаў іх перапрацоўкі навукова-даследчага інстытута фізіка-хімічных праблемаў БДУ Дзмітрый Грыншпан сцвярджае, што “аналагаў гэтым распрацоўкам у свеце на сёння няма”.

Разам з Міністэрствам па надзвычайных сітуацыях навукоўцы з універсітэта вырабілі ўжо пяць мабільных водаачыстных установак з прадукцыйнасцю 0,5-1 тона вады за гадзіну, а таксама сотні індывідуальных камплектаў на 10-100 літраў, якія працуюць па гэтай тэхналогіі.

Мяркуецца, што ў будучыні Беларусь магла б экспартаваць гэтыя вырабы ў краіны, дзе ёсць праблемы з пітной вадой.

Мінск-навіны

Апошнія навіны

Галоўнае

Выбар рэдакцыі