У баях за Украіну загінуў футбаліст, які раней гуляў у чэмпіянаце Беларусі
Сяргей Ражок / сацсеткі
Былы ўкраінскі гулец футбольнага чэмпіянату Беларусі Сяргей Ражок загінуў у баях супраць расійскіх акупантаў, піша "Трыбуна".
Спартоўцу было 38 гадоў.
У Беларусі ў розныя гады ён гуляў за такія клубы, як "Мінск", "Белшына", "Нёман", "Гомель", "Віцебск" і "Смалявічы".
Дарэчы, з "Мінскам" у 2013-м Ражок выйграў Кубак Беларусі.
Пасля шырокамаштабнага ўварвання Расіі ва Украіну Ражок уступіў ва Узброеныя сілы.
