У Барысаўскім райвыканкаме наведвальнікаў перасталі пускаць да чыноўнікаў
![У Барысаўскім райвыканкаме наведвальнікаў перасталі пускаць да чыноўнікаў](/sites/default/files/styles/gallery_main/public/2023-08/barysau-1105.jpg.webp?itok=H_nA0dwt)
У будынак Барысаўскага райвыканкама на праспекце Рэвалюцыі наведвальнікаў перасталі прапускаць у чынавенскія кабінеты, піша ex-press.by.
У холе будынка паставілі турнікет, за які наведвальнікі трапіць не могуць. Ахоўнік выклікае патрэбных чыноўнікаў наніз для афармлення неабходных папераў.
Паводле звестак журналістаў, адна з немаладых наведвальніц папрасіла запаліць святло, бо ёй цяжка было запаўняць паперы. Але яе просьбу так і не выканалі.
Хутчэй за ўсё гэтая мера перасцярогі тлумачыцца барацьбой з распаўсюдам каранавіруса. Па стане на 11 траўня ў Беларусі зафіксавана 23 906 выпадкаў захворвання на COVID-19, 135 пацыентаў памерлі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.