У баранавіцкай бабулі-апякункі забралі дзяцей пасля яе паходу ў пракуратуру
![Дзеці, ілюстрацыйнае фота](/sites/default/files/styles/gallery_main/public/2024-02/dzieci-1902.jpg.webp?itok=5P4muLwd)
Дзеці, ілюстрацыйнае фота / pexels.com
Баранавіцкая міжраённая пракуратура забрала дзяцей у бабулі-апякункі, заяўляе прэс-служба ведамства.
Паведамляецца, што жанчына прыйшла на асабісты прыём да баранавіцкага міжраённага пракурора Аляксандра Карлюка. Пытанне, з якім яна прыйшла, не ўдакладняецца.
Але гаворыцца, што пракурор на асабістым прыёме пабачыў у жанчыны прыкметы псіхічнага разладу. У той жа дзень па яго распараджэнні стварылі працоўную групу з прадстаўнікоў пракуратуры, органаў апекі і папячыцельства, медработнікаў. Яна аператыўна выбыла па месцы жыхарства дзяцей.
Жанчыну адправілі на медабследаванне, якое вызначыла, што яна не можа выконваць абавязкі апекуна.
Таму дзяцей неадкладна забралі з сям'і і памясцілі ў клініку. Рыхтуецца рашэнне ад адмене апекі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.