У Баранавічах на канцэрт "Океана Эльзи" раскупілі толькі дарагія квіткі

Самыя дарагія квіткі на канцэрт папулярнай групы "Океан Эльзи" – ад 35 да 45 тысяч рублёў – у Баранавічах амаль разабралі. Самымі незапатрабаванымі застаюцца квіткі на танцпол. Як паведамляе "Intex-press", дарагія квіткі прадаюцца на сядзячыя месцы ў Лядовым палацы. Зрэшты, квіткі на танцпол каштуюць толькі 30 тысяч рублёў.

Нагадаем, што канцэрт украінскага гурта пройдзе ў Баранавічах 18 траўня.