У Бабруйску невядомыя выпадкова спалілі нежылы дом (фота)
![У Бабруйску невядомыя выпадкова спалілі нежылы дом (фота)](/sites/default/files/styles/gallery_main/public/2023-08/babr_p_1.jpg.webp?itok=YiWZw_Xx)
У суботу ўдзень у Бабруйску згарэў закінуты прыватны дом па вуліцы Кветкавай. У момант прыбыцця пажарных дом гарэў адкрытым полымем. Са словаў суседзяў, тут ніхто не жыў.
Агонь знішчыў дах, перакрыцце, маёмасць, пашкодзіў сцены. Меркаваная прычына здарэння — неасцярожнае абыходжанне з агнём невядомых асобаў, паведамляе прэс-служба Магілёўскага абласнога ўпраўлення МНС.
Закінутыя прыватныя дамы часта служаць прытулкам для бяздомных, якія і правакуюць узгаранні.