У Асіповіцкім раёне гарэла праваслаўная царква (фота, відэа)
![У Асіповіцкім раёне гарэла праваслаўная царква (фота, відэа)](/sites/default/files/styles/gallery_main/public/2023-08/xram_1.jpg.webp?itok=yD2ObQX0)
У вёсцы Лапічы Асіповіцкага раёна 1 сакавіка гарэла праваслаўная царква святых апосталаў Пятра і Паўла. Паведамленне пра ўзгаранне паступіла ў МНС ад мінака. На момант прыбыцця выратавальнікаў адбывалася гарэнне ўнутры будынка храма. З людзей там нікога не было.
У выніку здарэння пашкоджаная абрашотка даху, ніхто не пацярпеў. Прычына здарэння высвятляецца, аднак мяркуецца, што праблема была ў парушэнні правілаў эксплуатацыі печаў або іншага абагравальнага абсталявання.
Наступствы пажару былі мінімальнымі дзякуючы своечасоваму сігналу аб узгаранні, паведамляе прэс-служба МНС.