Вы тут

У Асіповічах аўтобус збіў 15-гадовую раварыстку ў навушніках

mogilev.mvd.gov.by

У Асіповічах 9 жніўня ў 8:42 пад аўтобус МАЗ трапіла 15-гадовая дзяўчына на ровары, інфармуе прэс-служба УУС Магілёўскага аблвыканкама. 

ДТЗ адбылося на вуліцы Сумчанкі. Раварыстка пераязджала праезную частку па нерэгуляваным пешаходным пераходзе на ровары. Паводле папярэдняй інфармацыі, дзяўчына ехала ў навушніках. 

Пры аварыі дзяўчына атрымала закрытую чэрапна-мазгавую траўму, у яе рассечаная левае брыво, пераламанае рабро. Пацярпелую шпіталізавалі.

Па факце ДТЗ праводзіцца праверка. Абставіны здарэння высвятляюцца.