У 2014 годзе ў Беларусі была ўспышка адзёру
Пра гэта 30 кастрычніка паведаміла загадчыца лабараторыі вакцынакіраваных інфекцый РНПЦ эпідэміялогіі і мікрабіялогіі Алена Самайловіч.
Па яе словах, якія перадае БелаПАН, за шэсць месяцаў 2014 года ў Беларусі было зарэгістравана 64 выпадкі адзёру. А за ўвесь 2013-ы — толькі 16 выпадкаў (у 2012-м — 10, у 2011-м — 51, у 2010-м — 1). Сярод захварэлых 32 чалавекі былі жыхарамі Мінска, 16 — жыхарамі Гродзенскай вобласці, 7 — Мінскай, па чатыры чалавекі — з Віцебскай і Брэсцкай, адзін — з Магілёўскай. Усе гэтыя людзі захварэлі з канца сакавіка да сярэдзіны ліпеня.
Першы чалавек, які захварэў сёлета на адзёр ў 2014 годзе, працаваў у Сочы падчас Зімовых алімпійскіх гульняў. Большасць выпадкаў адзёру адносіліся "да адной ланцужку перадачы віруса". Ад першага захварэлага інфекцыю атрымалі 11 чалавек, прычым восем з іх — на працягу адной гадзіны знаходжання пацыента ў 9-й клінічнай лякарні.
На шчасце, медыкам удалося даволі хутка спыніць успышку захворвання. Цыркуляцыя віруса была спыненая цягам трох месяцаў, што з'яўляецца "вельмі добрым паказчыкам ў еўрапейскім рэгіёне".
Фота — likar.info