Толькі ў жніўні ў Польшчу з Беларусі прыйшлі амаль 2 тысячы мігрантаў

Толькі ў жніўні ў Польшчу з Беларусі прыйшлі 1935 мігрантаў. Большасць з іх (1175 чалавек) адправілі назад, іншых затрымалі і змясцілі ў закрытыя цэнтры. Пра гэта паведамляе польскае Міністэрства ўнутраных спраў.

Колькасць мігрантаў, якія спрабуюць нелегальна трапіць у Польшчу, павялічылася менавіта ў жніўні. Якраз у гэты час літоўскія, а пасля і латвійскія памежнікі сталі адпраўляць іх назад, у Беларусь, адкуль яны прыходзяць. Толькі за тры дні польскія памежнікі затрымлівалі 349 мігрантаў (грамадзян Ірака і Афганістана), якія прыйшлі з нашай краіны.