Камала Харыс стала кандыдаткай у прэзідэнты ЗША ад Дэмакратычнай партыі
Камала Харыс / AP
Віцэ-прэзідэнтка ЗША Камала Харыс набрала неабходную колькасць галасоў сваіх аднапартыйцаў і афіцыйна стала кандыдаткай у прэзідэнты ад Дэмакратычнай партыі, піша The Washington Post.
Віртуальнае галасаванне адбылося 2 жніўня. Удзел у ім прынялі каля 4000 дэлегатаў, вылучаных падчас праймерыз ад Дэмакратычнай партыі. За кандыдатуру Харыс выказаліся 3923 чалавекі (дастаткова было 1976 галасоў).
Прэзідэнцкія выбары ў ЗША прызначаныя на 5 лістапада. Раней прэзідэнт Джо Байдэн зняўся з перадвыбарчай гонкі.
Аноўным канкурэнтам Харыс стане кандыдат ад Рэспубліканскай партыі Дональд Трамп.
