Тэсла ад Маска, BMW ад немцаў? Хто і якія "падарункі" ўручаў Лукашэнку

Узгадваем самых шчодрых дарыльшчыкаў

Узгадваем самых шчодрых дарыльшчыкаў / @rubanau_collage

Канцэрн BMW заявіў, што не дарыў машыну Аляксандру Лукашэнку. Пра "падарунак" ён расказваў 19 студзеня падчас наведвання завода "БелДжы". І вось нямецкі вытворца аўтамабіляў абверг гэтую заяву.

Рэчы прэміум-класа кіраўніка Беларусі не раз траплялі ў аб'ектывы фота- і відэакамер. Але Tesla далёка не самы дарагі падарунак, які атрымліваў Лукашэнка. Як табе такое, Ілан Маск?

Еўрарадыё высоўвае свае версіі, хто быў таемным (для беларускага народа) Сантам Аляксандра Лукашэнкі.
 

Mercedes-Maybach Pullman Guard

Тэсла ад Маска, BMW ад немцаў? Хто і якія "падарункі" ўручаў Лукашэнку
“Першы” Майбах / kp.by

Зайздроснікі ўжо даўно прыкмецілі любоў кіраўніка дзяржавы да аўтамабіляў маркі Mercedes-Benz. Але асобнага згадвання варты Mercedes-Maybach Pullman Guard. Такі лімузін з прэзідэнцкімі нумарамі быў заўважаны каля стадыёна "Дынама" падчас цырымоніі закрыцця II Еўрапейскіх гульняў у 2019 годзе. Базавая цана браніраванага "немца" — 1,4 мільёна долараў.  

Магчыма, гэта падарунак ад Ола Кэленіуса, старшыні праўлення канцэрна Daimler AG і кіраўніка падраздзялення Mercedes-Benz Cars.
 

Rolls-Royce Phantom Coupe

Тэсла ад Маска, BMW ад немцаў? Хто і якія "падарункі" ўручаў Лукашэнку
Rolls-Royce Лукашэнкі / TUT.by

Rolls-Royce Phantom Coupe з такімі ж нумарамі быў заўважаны ў 2016 годзе. Цэны на "брытанца" ручной зборкі пачынаюцца ад 276 тысяч долараў і могуць даходзіць да 448 тысяч.

Яго імаверны дарыльшчык — Торстэн Мюлер-Отвас, кіраўнік кампаніі Rolls-Royce.
 

Гадзіннік Patek Philippe 

Тэсла ад Маска, BMW ад немцаў? Хто і якія "падарункі" ўручаў Лукашэнку
Лукашэнка ў аб’ектыве Антона Матолькі / toxaby.livejournal.com

У 2009 годзе Лукашэнка наведаў пяты Літоўска-Беларускі эканамічны форум. На яго руцэ разглядзелі швейцарскі гадзіннік мадэлі Patek Philippe Calatrava ref. 5120J-001 коштам амаль 17 тысяч долараў.

Хутчэй за ўсё, іх даў панасіць Лукашэнку кіраўнік Patek Philippe Т'еры Стэрн.


Гадзіннік VACHERON CONSTANTIN

Тэсла ад Маска, BMW ад немцаў? Хто і якія "падарункі" ўручаў Лукашэнку
Яшчэ адзін “швайцарац” Лукашэнкі / фота: president.gov.by

У жніўні 2015 года на сустрэчы з працоўным калектывам аграрнага комплексу «Белавежскі» на Аляксандры Лукашэнку можна было заўважыць гадзіннік швейцарскага брэнду VACHERON CONSTANTIN лінейкі Geneve. Цана на такія мадэлі — ад 15 да 20 тысяч долараў.

Па ўсім відаць, знатаку швейцарскіх гадзіннікаў яго прэзентаваў Луі Ферла, кіраўнік кампаніі VACHERON CONSTANTIN.


Лыжы Volant

Тэсла ад Маска, BMW ад немцаў? Хто і якія "падарункі" ўручаў Лукашэнку
Лыжнікі / фота РБК і кадр БелТА

12 лютага гэтага года Аляксандр Лукашэнка разам з Уладзімірам Пуціным наведаў Сочы. Па снезе кіраўнік Беларусі перасоўваўся на лыжах Volant коштам 2300 долараў.  

Напэўна, лыжы — падарунак ад Хэйкі Такала, генеральнага дырэктара фінскай кампаніі Amer Sports, якой належыць брэнд Volant.
 

iMac

Тэсла ад Маска, BMW ад немцаў? Хто і якія "падарункі" ўручаў Лукашэнку
Лукашэнка і Mac / кадр з відэа на сайце president.gov.by

C 2014 года ў кабінеце можна заўважыць "яблычны" камп'ютар. Кошт iMac'a — ад 1500 да 3200 долараў.

Няўжо падарыў сам кіраўнік Apple Цім Кук?


iPhone

Тэсла ад Маска, BMW ад немцаў? Хто і якія "падарункі" ўручаў Лукашэнку

"Яблычную" прадукцыю можна заўважыць і ў Колі Лукашэнкі. У 2010-м малодшы сын кіраўніка дзяржавы трапіў у кадр з трэцім айфонам. На той момант тэлефон каштаваў 600 долараў.  

Стыў Джобс памёр ад анкалогіі ў 2011-м. Магчыма, менавіта заснавальнік Apple яшчэ паспеў пакласці пад ёлку Лукашэнку-малодшаму новенькі iPhone.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі