Тэрэза Мэй сыходзіць з пасады прэм’ер-міністра Вялікабрытаніі
Тэрэза Мэй пакідае пасаду прэм'ер-міністра і лідара Кансерватыўнай партыі Вялікабрытаніі. Пра гэта ў твітары паведамляе Бі-бі-сі.
A tearful Theresa May says serving as prime minister has been "the honour of my life", saying she is proud to have been the second female leader of the UK
— BBC Breaking News (@BBCBreaking) 24 мая 2019 г.
Live updates: https://t.co/uYam3l51Iz pic.twitter.com/5apujgBm4f
Пра свае планы Мэй паведаміла на парозе афіцыйнай рэзідэнцыі на Даўнінг-стрыт. Па яе словах, 7 чэрвеня яна пакіне пост лідара Кансерватыўнай партыі і будзе прэм'ерам Вялікабрытаніі, пакуль партыя не абярэ новага кіраўніка.
"Мне вельмі шкада, што я так і не змагла завяршыць працэс выхаду Вялікабрытаніі з Еўрасаюза", — сказала Мэй і дадала, што яна ўсё адно задаволена прагрэсам, які ўдалося дасягнуць па пытанні брэксіту.
Як паведамляе Бі-бі-сі, на кіраўніка брытанскага ўрада аказваўся ўсё больш моцны ціск з патрабаваннямі адстаўкі пасля таго, як новыя прапановы Мэй па брэксіце, абвешчаныя ёю ў аўторак 21 траўня, зноў не атрымалі падтрымкі ў парламенце.
У сераду падала ў адстаўку лідар большасці ў Палаце абшчын Андрэа Лэдсам, заявіўшы, што больш не верыць у магчымасці цяперашняга ўраду давесці да канца выхад краіны з Еўрапейскага саюза.
Некалькі міністраў сказалі Бі-бі-сі, што Мэй больш не можа заставацца на сваёй пасадзе.
