Тэлефонны тэрарыст затрыманы і знаходзіцца ў СІЗА КДБ
У сераду ўдзень больш за тры гадзіны не працавала мінскае метро — праваахоўнікі шукалі там "падазроныя прадметы", верагодна, выбуховыя прыстасаванні.
Пра гэта паведамляе тэлеканал АНТ. Нібыта, знайсці зламысніка дапамагла нейкая жанчына.
"Интерфакс-Запад" са спасылкай на прэс-службу КДБ дадае, што "тэлефонным тэрарыстам аказаўся жыхар Мінскай вобласці 1979 года нараджэння". Ён ужо прызнаўся ў здзейсненым і тлумачыць свае дзеянні "жартам".
Каля 18-й гадзіны мінскае метро запрацавала. Да таго часу пасажырам даводзілася карыстацца выключна наземным транспартам.
Дарэчы, сёння ў цэнтры сталіцы былі заўважаныя перасоўванні аўтазакаў. Некалькі аўтазакаў дзяжурылі каля чыгуначнага вакзала, побач з выхадам са станцыі метро "Плошча Леніна".
Тэлефоннага тэрарыста ў Мінску дапамагла знайсці студэнтка (відэа)
Фота — bymedia.net