Сёння ў Эстэрсундзе пройдуць спрынтэрскія гонкі па біятлоне
У рамках 1-га этапу Кубка свету на кароткай дыстанцыі выступяць спачатку мужчыны, а за імі — жанчыны.
Сярод фаварытаў у жаночым спрынце — беларуска Дар’я Домрачава, якая сёлета з’яўляецца галоўнай прэтэндэнткай на вялікі Крышталёвы Глобус. У чацвер наша біятланістка выйграла індывідуальную гонку на 15 кіламетраў, а цяпер паспаборнічае за медалі на кароткай дыстанцыі. Беларуская Надзея Скардзіна таксама можа прэтэндаваць на высокае месца ў гэтай гонцы.
Трансляцыя жаночага спрынту пачнецца ў 16.40 паводле беларускага часу.
У нядзелю, 7 снежня, 1-ы этап Кубка свету па біятлоне завяршыцца гонкамі пераследу.
