Сёння Лукашэнка ў Маскве сустрэнецца з Пуціным: што яны будуць абмяркоўваць
![Фота: Reuters](/sites/default/files/styles/gallery_main/public/2023-08/lukashenko_putin_r.jpg.webp?itok=Safqoku0)
Фота: Reuters
25 снежня Аляксандр Лукашэнка і Уладзімір Пуцін правядуць перамовы ў Маскве. Сустрэча ёсць у графіку прэзідэнта Расіі. Як паведамляе прэс-служба Пуціна, у ходзе перамоваў кіраўнікі краінаў абмяркуюць "ключавыя пытанні двухбаковых адносін" і "перспектывы далейшага прасоўвання інтэграцыйных працэсаў на еўразійскай прасторы".
На нарадзе, якая прайшла ў Мінску 24 снежня, Лукашэнка назваў перамовы, якія маюць адбыцца, няпростымі. Чыноўнікам, якія сабраліся ў Палацы Незалежнасці: прэм'ер-міністру Сяргею Румасу, кіраўніку Савета Рэспублікі Міхаілу Мясніковічу, кіраўніку Адміністрацыі прэзідэнта Наталлі Качанавай, старшыні КДБ Валерыю Вакульчыку і кіраўнікам некалькіх міністэрстваў — ён прапанаваў абмеркаваць "далейшы рух у вырашэнні інтэграцыйных пытанняў, непахісна паважаючы суверэнітэт дзвюх краін і асабліва выбар народаў — расіян і беларусаў".