Сёлета беларусы прадалі валюты на $500 млн больш, чым купілі
Сёлета беларусы прадалі валюты на $500 млн больш, чым купілі. У студзені-сакавіку насельніцтва прадало наяўнай і безнаяўнай валюты на 1 млрд 828 млн долараў, а купіла — 1 млрд 328 млн долараў, паведамляе прэс-служба Нацбанка Беларусі.
Што да суб’ектаў гаспадарання-рэзідэнтаў нашай краіны, то ў першыя тры месяцы 2017-га яны прадалі валюты на 4 млрд 24 млн долараў, купілі — 4,108 млн долараў. Нерэзідэнты Беларусі ў студзені-сакавіку прадалі валюты на 123,56 млн долараў, купілі — 28,38 млн долараў у эквіваленце.
