Сямігадовы хлопчык у Магілёве трапіў пад грузавы "Мерсэдэс"
1 кастрычніка каля 9-й гадзіны раніцы ў Магілёве "Мэрсэдэс-Бенц 410D" збіў сямігадоваа хлопчыка, паведамляе прэс-служба УУС Магілёўскага аблвыканкама.
Здарэнне адбылося каля дома №70 па Віцебскім праспекце. За рулём грузавога аўтамабіля быў 57-гадовы жыхар Крычава. Хлопчыка ён збіў, калі той пераходзіў праезную частку па нерэгуляваным пешаходным пераходзе. Паведамляецца, што маці хлопчыка была побач, але не ўзяла яго за руку падчас пераходу дарогі.
У цяжкім стане дзіця даставілі ў лякарню.
Праводзіцца праверка гэтага ДТЗ. У абставінах і прычынах здарэння разбіраюцца супрацоўнікі ДАІ, следчыя і эксперты.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
