Сур'ёзная аварыя з удзелам трамвая ў Мінску — ёсць загінулы
Паводле папярэдняй інфармацыі, мікрааўтобус пачаў паварот, не саступіўшы дарогу трамваю / @gaiminsk
Чалавек загінуў у выніку аварыі, якая адбылася ў аўторак раніцай на праспекце Машэрава ў Мінску. Сутыкнуліся мікрааўтобус і трамвай.
"Кіроўца грузавога фургона Ford рухаўся па праспекце Машэрава з боку вуліцы Крапоткіна ў напрамку вуліцы Багдановіча. Паблізу дома 25, пры павароце направа не саступіў дарогу і дапусціў сутыкненне з трамваем", — аднавілі ход падзей у Следчым камітэце Беларусі.
28-гадовы кіроўца мікрааўтобуса атрымаў сур'ёзныя траўмы. Медыкі спрабавалі яго рэанімаваць, але ён памёр у аўтамабілі хуткай дапамогі.
"Перада мной вылецела "Газель", хоць я і ехаў на дазваляльны сігнал. Я ужыў экстранае тармажэнне, але адбылося сутыкненне. На шчасце, у мяне ў салоне ніхто не пацярпеў", — расказаў кіроўца трамвая Вячаслаў Дзятлаў.
На месцы ДТЗ працуюць следчыя.
