Супрацоўнікі ЖКГ уначы замалявалі Пагоню на балконе прадпрымальніка
Мар’ян Місевіч кажа, што герб замалёўвалі ў цёмны час сутак, верагодна, з дапамогай аўтавышкі — кватэра знаходзіцца на другім паверсе шматпавярховага дома.
Здарэнне адбылося ў гарадскім пасёлку Падсвілле Глыбоцкага раёна ўначы з 5 на 6 траўня. Камунальнікі тлумачаць сітуацыю тым, што, намаляваўшы на балконе Пагоню, Місевіч “парушыў архітэктурнае вырашэнне фасадаў будынкаў і збудаванняў”. Яго яшчэ могуць прыцягнуць і да адміністрацыйнай адказнасці.
