Вы тут

Суд ліквідаваў аб'яднанне "ВелаГродна"

У Гродне ліквідавалі аб'яднанне раварыстаў / Еўрарадыё

Гродзенскі абласны суд вырашыў ліквідаваць грамадскае аб'яднанне раварыстаў "Велагродна". Пра гэта ў фэйсбуку напісала сябра праўлення таварыства Юлія Каляда.

Пазоў у суд падало Галоўнае ўпраўленне юстыцыі Гродзенскага аблвыканкама, якое мела прэтэнзіі да аб'яднання раварыстаў. Па словах Каляды, сябры арганізацыі выправілі памылкі, а знойдзеныя парушэнні можна было ліквідаваць у верасні.

"Але ўсё гэта не спрацавала. Мы апынуліся злоснымі парушальнікамі ў вачах юстыцыі і ў вачах суда", — цытуе яе словы газета "Вечерний Гродно". 

Абъяднанне "ВелаГродна" было зарэгістраванае ў кастрычніку 2013 года. Яе сябры спрыяли развіццю велаінфраструктуры і роварнага руху ў Гродне.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.