Сучасная беларуская тапаніміка: у Віцебску з’явіцца Эканамічная вуліца
А разам з ёй — Свабодная і Занальная.
Гэтыя назвы — плён фантазіі дэпутатаў мясцовага гарсавету, якія давалі найменні геаграфічным аб’ектам на новай пляцоўцы свабоднай эканамічнай зоны “Віцебск” у Журжава.
Таксама, відаць, як напамін пра аэрадром “Віцебск-Паўночны”, які калісьці тут існаваў, яшчэ некалькі новых вуліц будуць мець назвы — Аэрадромная, Узлётная і Штурманская, інфармуе сайт “Народныя навіны Віцебска”.
