Студэнтам растлумачаць іх правы “простай мовай”
Праваабарончы семінар “Правы студэнтаў простай мовай” пройдзе 13 кастрычніка ў Мінску.
Маладым людзям раскажуць пра гісторыю і філасофію правоў чалавека і правоў студэнтаў, пра механізмы абароны гэтых правоў. На семінары можна будзе абмеркаваць розныя праблемы сучаснай студэнцкай моладзі і знайсці магчымасці іх вырашэння.
У мерапрыемстве возьмуць удзел маладыя беларускія праваабаронцы і актывісты грамадскіх арганізацый.
Арганізатары семінару — моладзевая прафсаюзная група “Студэнцкая Рада” і каманда адукацыйнай праграмы “Правы чалавека “на пальцах”.
