Стаўка рэфінансавання ў верасні не зменіцца
Яна застанецца на ранейшым узроўні — 23,5% гадавых.
Такое рашэнне было прынятае праўленнем Нацыянальнага банка Беларусі 10 верасня.
У Нацбанку адзначылі, што падтрыманне нязменнай стаўкі рэфінансавання ў ліпені і жніўні 2013-га дазволіла аднавіць прырост тэрміновых рублёвых укладаў насельніцтва, паменшыць попыт на замежную валюту з боку насельніцтва і прадпрыемстваў, а таксама спрыяла далейшаму запаволенню інфляцыйных працэсаў, інфармуе БЕЛТА.
Нагадаем, апошні раз Нацбанк зніжаў стаўку рэфінансавання 10 чэрвеня — на 1,5 працэнтнага пункта да 23,5%.