Станцыя мінскага метро "Малінаўка" адкрыецца ў пачатку чэрвеня
Пра гэта паведаміў галоўны інжынер Мінскага метрапалітэна Аляксей Мурач.
Паводле яго слоў, 23 траўня пробны цягнік прайшоў да станцыі "Малінаўка". У цяперашні час "завяршаецца праца па канчатковым рэгуляванні сістэмаў". Робіцца ўсё магчымае, каб адкрыць станцыю ў першай дэкадзе чэрвеня, адзначыў Мурач.
БЕЛТА нагадвае, што станцыя метро "Малінаўка" пабудаваная на скрыжаванні праспекта Дзяржынскага і вуліцы Ясеніна побач з мікрараёнамі Малінаўка і Брылевічы. Яна стане канчатковым прыпынкам першай лініі Мінскага метрапалітэна на паўднёвым захадзе сталіцы. Даўжыня ўчастка падземных тунэляў ад суседняй станцыі "Пятроўшчына" да "Малінаўкі" складае 1800 метраў.
Нагадаем, "Малінаўку" планавалася адкрыць да 9 траўня, да Дня Перамогі і пачатку хакейнага чэмпіянату свету, аднак не паспелі.
Фота — sb.by
