Сталі вядомыя расійскія расцэнкі за забітых украінскіх вайскоўцаў
На чыгуначнай станцыі "Харкаў-Пасажырскі" памежнікі затрымалі расійскага грамадзяніна. Ён апынуўся снайперам, які ваяваў на тэрыторыі Чачні.
Падчас допыту 39-гадовы расіянін распавёў, што па заданні расійскай спецслужбы накіроўваўся ва ўсходнія вобласці Украіны для ўдзелу ў незаконных узброеных фармаваннях. Перад ад'ездам ва Украіну ён прайшоў падрабязны інструктаж у Растове-на-Доне, інфармуе УНН са спасылкай на Службу бяспекі Украіны.
За сваю "працу" ён павінен быў атрымаць ўзнагароджанне. За забойства шараговага ўкраінскага вайскоўца — 100 долараў, за афіцэра — 1000 долараў. Пасля вяртання яму мусілі заплаціць яшчэ 2000 еўра.
Цяпер расіянін пад вартай. Працягваецца следства.
Фота — wh.joyreactor.cc
