Стала вядома, колькі за год на дарогах Беларусі гіне дзікіх жывёл
Аўтамабіль пасля сутыкнення з ласём / t.me/pressmvd/
Стала вядома, колькі за год на дарогах Беларусі гіне дзікіх жывёл. Гэта больш за 500 ласёў, амаль 1,5 тысячы казуль, ад 40 да 60 аленяў і каля 100 дзікоў. Сумную статыстыку пра выпадкі ДТЗ з удзелам дзікіх жывёл збірае "Беларускае таварыства паляўнічых і рыбаловаў". І гэта толькі пра здарэнні на дарогах, якія праходзяць праз паляўнічыя ўгоддзі таварыства.
Зімой назіраецца актывізацыя дзікіх жывёл, звязаная з іх жаданнем папоўніць свой рацыён. Звычайна яны выходзяць на дарогі паласавацца соллю, якой апрацоўваюць дарожнае пакрыццё.
У згаданых ДТЗ гінуць і людзі.
