Следчы камітэт аднавіў крымінальную справу пра знікненне Юрыя Захаранкі

Следчы камітэт аднавіў крымінальную справу пра знікненне Юрыя Захаранкі

Следчы камітэт аднавіў справу па факце знікнення генерала міліцыі Юрыя Захаранкі. Пра гэта ў каментары Радыё "Свабода" паведаміў праваабаронца Алег Воўчак. Ён атрымаў адпаведнае апавяшчэнне са Следчага камітэта за подпісам начальніка аддзела, следчага Юрыя Вараўкі.

Справа па знікненні Захаранкі, як паведамляецца ў дакуменце была адноўленая 18 снежня — праз два дні пасля інтэрвію Юрыя Гараўскага на Deutsche Welle. Былы спецназавец, які назваў сябе байцом беларускага "эскадрона смерці", прызнаўся, што 20 гадоў таму ўдзельнічаў у выкраданні і забойстве палітычных праціўнікаў Аляксандра Лукашэнкі. Гэтыя дзеянні адбываліся, па яго словах, пад камандаваньнем Дзмітрыя Паўлічэнкі.

На думку Воўчака, падставай для аднаўлення крымінальнай справы сталі заявы Гараўскага у СМІ. Праваабаронца кажа, што Следчы камітэт цяпер абавязаны праверыць словы Гараўскага: "Ім таксама трэба далучыць гэты відэазапіс Deutsche Welle да справы і разбірацца з заявамі, агучанымі ў інтэрв'ю. Калі там паклёп, Следчы камітэт абавязаны звяртацца ў праваахоўныя органы і пісаць, што гэта паклёп, інфармацыя не пацвердзілася — гэта цэлы працэс".

Воўчак мяркуе, што неўзабаве адновяць прыпыненыя справы аб выкраданні Анатоля Красоўскага і Дзмітрыя Завадскага. Хадайніцтвы ў Следчы камітэт пра аднаўленне папярэдняга следства днямі падалі сваякі зніклых — Святлана Завадская і Ірына Красоўская.

Следчы камітэт аднавіў крымінальную справу пра знікненне Юрыя Захаранкі

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі