Вы тут

Сіноптык расказаў, якое надвор'е чакае беларусаў у снежні

Снежнае надвор'е ў Мінску / Архіўнае фота Еўрарадыё​

Снежань сёлета чакаецца цяплейшым, чым звычайна, пры гэтым устойлівае снежнае покрыва магчымае ў канцы месяца, паведаміў у эфіры тэлеканала АНТ сіноптык Дзмітрый Рабаў.

Па словах Рабава, сярэдняя тэмпература паветра ў снежні перавысіць кліматычную норму, якая складае 2-5 градусаў са знакам "мінус", у той час як месячная колькасць ападкаў будзе ў межах нормы — 38-57 міліметраў.

У выніку ў снежні ў Беларусі чакаецца ад 18 да 21 дзён з ападкамі, 3-15 дзён з туманамі і галалёдам, ад 2 да 5 дзён — з завеяй, расказаў сіноптык. Пры гэтым праз частыя цыклоны ўстойлівае снежнае покрыва ўтворыцца да канца снежня.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.