Сілавікі затрымалі студэнта гістфака БДУ і яго дзяўчыну
Сілавікі затрымалі студэнта і яго дзяўчыну / сацсеткі сілавікоў
У канале сілавікоў з'явілася чарговае відэа з затрыманымі — цяпер гэта студэнт гістарычнага факультэта БДУ і яго дзяўчына.
Хлопец кажа, што яго затрымалі за "рэпосты з экстрэмісцкіх каналаў" і "дэструктыўныя паводзіны". Журналісты "Медыязоны" знайшлі яго старонку ў сацсетцы "ВКонтакте": там хлопец падпісаны як Міхаіл Карпенка. Ён жа грае на гітары ў гурце "ТРУП (тралейбус рухаецца ў парк)".
Пазней у сілавікоў з'явілася відэа з дзяўчынай Карпенкі. Яна кажа, быццам увесь час абменьваецца з ім "экстрэмісцкімі навінамі".
