Sigur Ros знялі кліп на тытульную песню новага альбома (глядзець)
Аўтар відэа спалучыла жывыя здымкі з кліпамі з архіва Брытанскага кінаінстытута.
Sigur Ros паказалі “жудасны” кліп на загалоўную кампазіцыю свайго будучага альбома. Над відэа да песні “The Kveikur” працавала рэжысёрка Сара Хопер, якая спалучыла жывыя здымкі з кліпамі з архіва Брытанскага кінаінстытута. Відэа цалкам адпавядае музыцы ісландскага трыа, злёгку нагадвае фільм жахаў, сам трэк уражвае кампрэсаваным вакалам. За пульсуючым мільгаценнем на экране хаваецца вулканічны пейзаж Ісландыі, выява бягучага каня і твары ўдзельнікаў Sigur Ros. Дарэчы, альбом “The Kveikur” убачыць свет ужо 17 чэрвеня.
Фота: www.interviewmagazine.com