Швейцарская пошта пажадала нябожчыкам добра ўладкавацца на новым месцы
Пошта Швейцарыі выбачылася за віншаванні з пераездам і пажаданнямі добра ўладкавацца на новым месцы памерлым кліентам.
Віншаванні атрымалі сваякі памерлых. Як паведамілі ў паштовай установе, рассылка вялася аўтаматычна пасля таго, як блізкія нябожчыкаў афармлялі пераадрасацыю карэспандэнцыі на новыя адрасы. У выніку вінаватай была названая новая кампутарная сістэма.
Чыноўнікі ў сваю чаргу, акрамя выбачэнняў, паабяцалі, што больш падобныя канфузы не будуць паўтарацца. Колькі ўсяго людзей было ахоплена падобнай рассылкай невядома, паведамляе радыёстанцыя "ВестиFM".