Шварцэнэгер прыкінуўся васковым Тэрмінатарам і напужаў людзей (відэа)
Гэта была частка промаакцыі.
Знакаміты галівудскі акцёр Арнольд Шварцэнэгер на мінулым тыдні разыгрываў жыхароў і гасцей Галівуда. Спачатку ён выйшаў на вуліцу ў вобразе Тэрмінатара — некаторых мінакоў гэта павесяліла, а некаторых напужала.
Затым герой культавых баевікоў 1990-х гадоў прыкінуўся васковай фігурай у музее мадам Цюсо. Некаторыя наведнікі былі ў шоку, калі скульптура раптам ажывала і пачынала размаўляць.
Так Шварцэнэгер паўдзельнічаў у промаакцыі кампаніі After-School All-Stars, якая займаецца пасляшкольнай адаптацыяй падлеткаў, паведамляюць замежныя інфармагенцтвы.
