"Шпіёнскі працэс" Гайдукова ў Віцебску працягнецца сёння і заўтра
Пра гэта карэспандэнту Еўрарадыё паведамілі ў Віцебскім абласным судзе. Іншых звестак у судзе не даюць.
Нагадаем, што наваполацкага моладзевага актывіста судзяць з 12 чэрвеня. Працэс абвешчаны закрытым. На яго не пусцілі нават сваякоў Гайдукова і дыпламатаў. Юнака вінавацяць у здрадзе дзяржаве.
Хлопца затрымалі ў Віцебску 8 лістапада 2012 года. Паводле звестак прэс-службы КДБ, адбылося гэта "падчас закладкі тайніка са звесткамі, якія могуць цікавіць замежныя спецслужбы".
Гайдукоў працаваў аператарам на наваполацкім "Нафтане", быў удзельнікам некалькіх апазіцыйных акцый і выбарчых кампаній, ініцыяваў стварэнне наваполацкай суполкі "Саюз маладых інтэлектуалаў".
Фота з сацыяльных сетак
