Вы тут

Шосты пакет санкцый ЕС з нафтавым эмбарга па-ранейшаму не ўзгоднены

Жазэп Барэль / twitter.com/JosepBorrellF

Шосты пакет санкцый Еўрасаюза з нафтавым эмбарга па-ранейшаму не ўзгоднены. Пра гэта паведаміў кіраўнік еўрапейскай дыпламатыі Жазэп Барэль. У панядзелак сустракаліся міністры замежных спраў краін ЕС. Як піша "Бі-Бі-Сі", Барэль яшчэ раніцай быў настроены песімістычна (на відэа).

Новы пакет санкцый Еўрасаюза супраць Расіі і нафтавае эмбарга былі анансаваны амаль два тыдні таму. Аднак з таго часу 27 краін ЕС так іх і не ўзгаднілі. Венгрыя заняла жорсткую пазіцыю: за згоду на нафтавае эмбарга патрабуе значную кампенсацыю і час. Спробы Еўракамісіі паразумецца з прэм'ерам Віктарам Орбанам выніку пакуль не далі.

Далей спробу дамовіцца зробяць паслы краін ЕС, кажа Барэль. Калі ў іх не атрымаецца, Орбана на саміце 30-31 траўня будуць пераконваць асабіста кіраўнікі краін Еўрасаюза.

Жазэп Барэль заявіў, што на саміце 16 траўня былі зацверджаны дадатковыя 500 мільёнаў еўра ваеннай дапамогі Украіне.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.