Сем дэсантнікаў падарваліся на фугасе ў Луганскай вобласці
Пра гэта паведамляе ўкраінскі штаб Антытэрарыстычнай аперацыі.
У ноч на 7 лістапада баевікі абстралялі блокпасты, апорныя і назіральныя пункты сіл АТА ў раёне населеных пунктаў Маёрск, Дэбальцава і Папасная. На Луганшчыне, каля вёскі Сакольнікі, падчас пошукава-ўдарных дзеянняў сем дэсантнікаў падарваліся на фугасе.
Як інфармуе УНІАН са спасылкай на штаб АТА, усім параненым аказалі медычную дапамогу.
Таксама ўкраінскія вайскоўцы паведамляюць, што ўначы баевікі двойчы абстралялі з РСЗА БМ-21 "Град" падраздзяленні сіл АТА каля населенага пункта Крымскае.
Становішча ў раёне Данецкага аэрапорта застаецца напружаным. Сам ён знаходзіцца пад кантролем украінскіх вайскоўцаў.
Фота — Reuters