Савет бяспекі ААН аднагалосна прыняў рэзалюцыю па збітым Боінгу
Усе 15 сяброў Савета бяспекі ААН прагаласавалі за прапанаваны Аўстраліяй праект рэзалюцыі аб крушэнні малайзійскага Боінга-777.
Савет бяспекі ААН запатрабаваў ад Расіі паўплываць на баевікоў, каб тыя далі поўны доступ міжнародным экспертам да месца крушэння авіялайнера ў Данецкай вобласьці.
Дакумент быў прыняты аднагалосна — "за" прагаласавалі ўсе 15 сяброў Савета бяспекі, у тым ліку прадстаўнік Расіі, перадае Радыё "Свабода".
У рэзалюцыі Савета бяспекі таксама ёсць патрабаванне правесці незалежнае расследаванне катастрофы, выявіць замоўцаў і выканаўцаў тэракту і прыцягнуць іх да адказнасці.
Акрамя таго, прадстаўнікі Савета бяспекі запатрабавалі "паважлівага стаўлення" да парэштак ахвяраў авіякатастрофы.
Фота — Reuters
