Самае таннае мяса ў Варшаве і Мінску (фота)
Набыць свініну ў Варшаве можна за 45 тысяч, у Мінску мяса такой жа якасці — не менш за 60. Еўрарадыё параўнала цэны на мяса ў дзвюх сталіцах.
У варшаўскім метро заўважаем рэкламу мяса ў гіпермаркеце. Цана — 12 злотых за мяса без косткі, на беларускія грошы гэта 45 тысяч.
Спрабуем знайсці свініну па такой самай цане ў Мінску.
У "Прасторы", што на праспекце Пераможцаў, знаходзім па 49 тысяч толькі "катлетнае мяса свіное". Гэта самае таннае.
Грудзінка без косткі тут па 68 тысяч.
У гандлёвым цэнтры "Замак" у "Кароне" самае таннае мяса па 29 тысяч, але гэта галёнка, "свініна для першых страваў".
Таксама тут "шыйнае мяса" па 122 тысячы, найлепшае, што ёсць.
"Белмаркет" у Зялёным Бары мае самае таннае мяса па 29 тысяч. Але гэта "паўфабрыкат для першых страваў".
На Камароўцы самая танная свініна — рэбры за 45 тысяч. (Па цане як польская, але там мяса без косткі.)
Ёсць лапатка, але каштуе 83 тысячы за кіло.
А па польскай цане на мінскім рынку можна набыць хіба вушы і рагу.
Фота: Еўрарадыё
