Сацыял-дэмакраты вырашылі ісці на парламенцкія выбары асобнай калонай
![Сацыял-дэмакраты вырашылі ісці на парламенцкія выбары асобнай калонай](/sites/default/files/styles/gallery_main/public/2023-08/power-image.jpg.webp?itok=cHHj1lYF)
Беларуская сацыял-дэмакратычная партыя (Грамада) прыняла рашэнне ісці на выбары ў Палату прадстаўнікоў самастойна. Пры гэтым сацыял-дэмакраты не адмовіліся ад ідэі кааліцыі з іншымі дэмакратычнымі сіламі, заявіў Цэнтральны камітэт партыі.
Канчаткова фармат удзелу ў выбарчай кампаніі вызначыць партыйны з’езд. Як піша nn.by, ён пройдзе прыблізна ў чэрвені 2016 года. На ім адбудзецца вылучэнне кандыдатаў у дэпутаты.
Нагадаем, што выбары ў Палату прадстаўнікоў найхутчэй адбудуцца на пачатку восені наступнага года. Раней ісці на выбары самастойна вырашылі Партыя БНФ і кампанія "Гавары праўду".