Золатавалютныя рэзервы скараціліся амаль на 100 мільёнаў долараў
Паводле вынікаў ліпеня 2012 года золатавалютныя рэзервы нашай краіны ў вызначэнні Міжнароднага валютнага фонда скараціліся на 99,3 млн. долараў.
Па папярэдніх звестках, на 1 жніўня яны склалі 8 млрд. 230,2 млн. долараў у эквіваленце, паведаміў Нацыянальны банк.
У нацыянальным вызначэнні аб'ём золатавалютных рэзерваў скараціўся на 92,6 млн. долараў і на 1 жніўня склаў 9 млрд. 762 млн.
"На зніжэнне аб'ёму золатавалютных рэзерваў у ліпені 2012 года паўплывала пагашэнне ўрадам і Нацыянальным банкам Рэспублікі Беларусь знешніх і ўнутраных абавязацельстваў у замежнай валюце", — цытуе паведамленне БелаПАН.
