З’езд “Маладых дэмакратаў” праходзіць у Мінску
Моладзевае крыло Аб’яднанай грамадзянскай партыі 14 красавіка падводзіць вынікі сваёй дзейнасці за апошнія два гады.
Па выніках з’езду плануюць падаць дакументы для афіцыйнай рэгістрацыі ў Міністэрстве юстыцыі. Папярэдні ўстаноўчы з’езд “Маладых дэмакратаў” прайшоў 29 студзеня 2010 года, але зарэгістраваць арганізацыю не ўдалося.
На мінулым з’ездзе старшынёй арганізацыі абралі Алега Корбана. У 2012 годзе ён вылучаўся на пасаду старшыні АГП, аднак на з’едзе партыі 31 траўня зняў сваю кандыдатуру. Пазней Корбан заявіў пра выхад з АГП і стварыў новую моладзевую арганізацыю “Альтэрнатыва”, зарэгістраваную ў Латвіі.
Абавязкі старшыні “Маладых дэмакратаў” выконвае Зміцер Кавалгін, нагадвае БелаПАН.
