За 5 "маўклівых акцыяў" затрыманыя больш за 1700 чалавек
Такую лічбу падаюць праваабаронцы.
Яны падсумавалі колькасць затрыманых па ўсёй краіне на акцыях 15, 22 і 29 чэрвеня, а таксама 3 і 6 ліпеня. У прыватнасці ў Мінску было затрымана каля 1000 чалавек. У іншых гарадах краіны — каля 750.
Большую частку затрыманых пакаралі арыштамі і штрафамі, адзначае сайт "Вясна". Многіх адпускалі пасля здачы адбіткаў пальцаў і папярэджанняў, многія былі збітыя.
Суды ідуць у закрытым рэжыме, спісы затрыманых і асуджаных не абвяшчаюцца. Таму звесткі ў праваабаронцаў няпоўныя.
