З апазіцыйнымі партыямі паквітаюцца за санкцыі
Грамадскае аб'яднанне "Белая Русь" прапануе ўвесці адказнасць за заклікі да санкцый супраць афіцыйнага Мінску.
У прыватнасці, прапануецца прыпыняць дзейнасць палітычных партый і грамадскіх аб'яднанняў, чые лідары выступілі з такімі зваротамі. Пра гэта паведаміла 5 красавіка ў вечаровым эфіры тэлеканала "Беларусь 1" прадстаўніца адной са сталічных арганізацый "Белай Русі".
Нагадаем, 4 красавіка БТ паведаміла, што работніца Мазырскага нафтаперапрацоўчага заводу Марына Цыбліенка падала ў суд на Віктара Івашкевіча. Яна хоча спагнаць з яго 500 тысяч рублёў маральнай капенсацыі за тое, што мінскі палітык заклікаў еўрапейскія кампаніі ўвесці эмбарга на беларускія нафтапрадукты.
