Віцэ-старшыня ПАСЕ напісаў ліст турэмшчыкам Саннікава
Эмануэліс Зінгерыс звярнуўся да кіраўніцтва папраўчай калоніі №2 Бабруйска, дзе адбывае пакаранне Андрэй Саннікаў.
Віцэ-старшыня Парламенцкай асамблеі Савета Еўропы і кіраўнік Камітэта па замежных справах Сейма Літвы занепакоены сітуацыяй з экс-кандыдатам у прэзідэнты Беларусі. Зінгерыс звяртае ўвагу на тое, што няма кантролю за ўмовамі ўтрымання Саннікава, а таксама ёсць падазрэнні пра ўжыванне катаванняў і жорсткага, нялюдскага стаўлення да Саннікава.
Еўрапейскі палітык заклікае кіраўніцтва калоніі ўстрымацца ад любых дзеянняў ці бяздзейнасці, якія нясуць шкоду здароўю і псіхалагічнаму стану палітвязня, інфармуе "Хартыя'97".