Валюту на імпартныя лекі зноў будуць набываць паводле курсу Нацбанку
Пра гэта паведаміла чыноўніца Мінздароўя Людміла Рэвуцкая на прэс-канферэнцыі ў Мінску.
Нагадаем, што некалькі дзён таму банкі прыпынілі канвертацыю валюты па курсе Нацбанка для набыцця лекавых сродкаў. Па словах чыноўніцы, якія перадае interfax.by, Мінздароўя заняўся гэтай праблемай і яе ўдалося вырашыць. Банкі, кажа Рэвуцкая, прыступілі да канвертавання валюты па курсе Нацбанку.
Па яе словах, продаж валюты для закупу лекавых сродкаў па курсе Нацбанка ажыццяўляецца з сённяшняга дня.