Улады Расіі змагаюцца з вулічнымі акцыямі апазіцыі вялізнымі штрафамі
Дзярждума ўчора прыняла ў трэцім чытанні закон аб штрафах за парушэнні на мітынгах.
Максімальны штраф для грамадзян павялічаны да 300 тысяч рублёў (да 10 тысяч долараў!), для службовых асобаў — да 600 тысяч расійскіх рублёў.
Як паведамляе РІА "Новости", штраф будзе накладацца за парушэнне заканадаўства аб сходах, мітынгах, дэманстрацыях, шэсцях і пікетаваннях.
Эксперты ўжо выказаліся, што закон можа стаць "стрымліваючым фактарам для радыкальна настроеных групаў".
Нагадаем, у Маскве і іншых гарадах Расіі працягваюцца вулічныя акцыі апазіцыі, якая пратэстуе супраць вяртання да ўлады Уладзіміра Пуціна, патрабуе новых, справядлівых выбараў і вызвалення палітзняволеных. Бліжэйшая масавая акцыя запланаваная на 12 чэрвеня.
Падрабязна пра сумы новых штрафаў можна паглядзець тут.
