Учора ў Мінску хапалі нават міліцыянераў
Аб гэтым расказаў затрыманы хлопцамі ў цывільным журналіст Алег Груздзіловіч.
Самога журналіста невядомыя схапілі ў метро разам з яшчэ дзесяткам чалавек. Ужо ў пастарунку аказалася, што двое з затрыманых з’яўляюцца супрацоўнікамі міліцыі, паведамляе “Радыё Свабода”. Іх адпусцілі, а вось іншых, у тым ліку і Груздзіловіча, сфатаграфавалі і адкаталі пальчыкі. Што праўда, пазней журналіста таксама выпусцілі з пастарунку.
Нагадаем, што 13 ліпеня падчас акцыі маўклівага пратэсту ў сталіцы затрымалі каля 25 чалавек. А ўсяго па Беларусі больш за сто.
