У Віцебску знеслі частку дома з копіяй карціны Малевіча

Павялічаны эскіз працы Малевіча “Смерць шпалерам” з’явіўся на сцяне гэтага будынка 26 чэрвеня 2010 года пад час акцыі “Вуліца УНОВІС”. Роспіс зрабілі вядомыя віцебскія мастакі Аляксандр Вышка, Андрэй Духоўнікаў і Алена Чуйкова.

Згодна з пашпартам аб’екта, працы вядуцца ў межах мадэрнізацыя памяшканняў будынкаў №18 і №20 па вуліцы Леніна па замове Віцебскага абласнога цэнтра гігіены, эпідэміялогіі і грамадскага здароўя. Самі будынкі з’яўляюцца помнікамі архітэктуры канца XIX — пачатку XX стагоддзя, паведамляюць “Народныя навіны Віцебска”.