У топ-мадэлі Кацярыны Даманьковай будзе свой футбольны клуб
Яе муж, расійскі бізнэсовец Антон Зінгарэвіч набыў кантрольны пакет акцый англійскага клуба "Рэдынг".
Як паведамляе РІА "Новости", пакупка 51% акцый каштавала яму 25 млн фунтаў. Чакаецца, што ўсе дакументы будуць канчаткова аформленыя да сакавіка, калі Футбольная ліга скончыць усе неабходныя праверкі.
"Рэдынг" вылецеў з элітнага дывізіёна англійскага футболу ў 2008 годзе і займае 8-е месца ў турнірнай табліцы Чэмпіёншыпа. Клуб захоўвае шанцы на выхад у прэм'ер-лігу.
Фота Кацярыны Даманьковай і Антона Зінгарэвіча з сайта "Свадьба"
