У судзе Паганяйла паразумеўся з Мінюстам, але не з МУС
Прадстаўнікі Міністэрства ўнутраных спраў так і не з’явіліся ў зале. У судзе абвешчаны перапынак. Разгляд справы працягнецца 22 чэрвеня ў 14:30.
Карэспандэнт Еўрарадыё Алесь Пілецкі перадае з залы суда, што Гары Паганяйла паразумеўся з прадстаўнікамі Мінюста. Падчас свайго выступу яны паведамілі, што старшыня юрыдычнай камісіі БХК не можа быць уключаны ў спіс невыязных. Пасля гэтага Гары Паганяйла заявіў, што ён больш не мае ніякіх прэтэнзіяў да Мінюста.
Юрыст падаў хадайніцтва, каб суд сваім рашэннем выключыў яго са “спісу невыязных” з Беларусі. Але суддзя адклала вырашэнне гэтага пытання да 22 чэрвеня, калі, як чакаецца, у зале суда ўсё ж з’явяцца прадстаўнікі Міністэрства ўнутраных спраў.
Фота: "Белсат".